Сефилвиле аткана рик1 сал хьана,
Секинсуз я кемендавай са чан хьиз.
Хабар кьурла: "Им вучтин ваз т1ал хьана?"
Серсер яз зун килигна а инсандиз.
Ст1ал-ст1ал авахьзавай булахар,
Гъамлудаказ шехьзава, вун себеб яз.
А яд хъвайи кьуразава яйлахар:
Язух ше ваз са жизви кьван, метлеб яз.
Бат1улбурни инсанар я зат авай,
Успагьидиз чин гайи, мягьтел хьана.
Ваз ийидай зазни шикаят ава:
Вун паталди ашкъи завди хъел хьана.
Мад ава зун кьарай квахьна, тажубдиз,
Килигайла гуьрчек тир ви шикилдиз.
Са к1ус кьванни гьая це на к1алубдиз:
Хуш яни ваз чарад акун сефилдиз.
Гьая це на к1алубдиз
© Copyright: Магомед Мирзоев Мирзой, 2025
Свидетельство о публикации №125050203000
Свидетельство о публикации №125050203000
Рецензии