Милиз-милиз хъуьрер ийиз, килигайла заз,
Рик1яй агъуз авахьзавай ашкъидин аваз.
Рахай ч1авуз дердерикай, къакъуд мийир кьил,
Дерин гьиссер кьабул ая, мийир зун гъафил.
Цавун лацу къуш хьана вун, атайла кьилел,
Ишигъна ви вилери, зун авуна мягьтел.
За вуч ийин, галукьайла атирдин шагьвар,
Кинарзавай, назикдаказ, ви тандин мармар?
Ви гьар са кам дуьз акурлай, къайгъуни зегьмет,
Инкар тийиз кьабулда за уюнни, гьелбет.
Акур ч1авуз сегьер-сегьер къизилдин ярар,
Жедачни бес гуьзелди зун Межнуназ ухшар?
Багъишнай и дуьньядикай Аллагьди заз пай,
Буйругъна заз акун патал, жувандакай тай.
Гьуьрметдивди гайила за ваз ихьтин къамат,
Вучиз жезва гуьзелди вун икьван мукъаят?
Милиз-милиз хъвер ийиз
© Copyright: Магомед Мирзоев Мирзой, 2025
Свидетельство о публикации №125042506229
Свидетельство о публикации №125042506229
Рецензии