Гуьзел тават, за ваз гила вуч лугьун:
Тахсир квачиз, гъалат1дикай тур хьана.
Кьулухъайни лугьурди я - буш лугьун,
Рагъ алай югъ акваз-такваз ч1ур хьана.
Минет я ваз, дуьньядин гьал дар мийир:
Язух рик1е авайди са суьрет я.
Гунагь квачир тахсиррикай пар мийир:
Акунарин багьа къилих гьуьрмет я.
Ви п1узаррин хъуьруьнихъ заз вил хьана
Акъвазнавай, кьарай квахьна, патал хьиз.
Гьайиф ч1угваз, гуьгьуьл мад сефил хьана,
Чукьни тийиз фейи ч1авуз, марал хьиз.
Белки завай гъалат1 хьана, айиб туш:
Ви назикди кайи чанда тур ава.
Ашкъиди куз, зун зи гьалдин сагьиб туш,
Ви къаматдихъ заз багьа абур ава.
Гуьзел тават
© Copyright: Магомед Мирзоев Мирзой, 2025
Свидетельство о публикации №125042303679
Свидетельство о публикации №125042303679
Рецензии