Аталар айткан эди,
Не болсада яшавда.
Соьнмесин от яганъ,
Сен яшаган заманда.
Азбарынъ босалып,
Сенсиз ол калмасын.
Мезардай сувып,
Сувыклык болмасын.
Каралдынъ толып,
Балалар завыклансын.
Кулкилер куьшленип,
Коьнгиллер кувансын.
Аьелинъ татымлыкта,
Оьрленип ол яшасын.
Балалар каралдынъда,
Завыкланып кувансын.
Ата юртты сен сакла,
Отын соьндирмей кара.
Йылувлык пан акла,
Ата-аналарды сыйла.
Болсын сенде юртынъ,
Тувган юрт азбарынъ.
Ата-ана салган уьйинъ,
Юрек суьйген манъазынъ.
Каты янсынъ отлар онда,
Зияпет даьмлер кокып.
Ногай шай буртанада,
Боьртсин уьй сыпыранда.
Сыпыра толыр ювыклар,
Тизуьвлессинлер янында.
Коьнъиллер кувнасынлар,
Кардаш толган каралдыда.
Наьсип, наьвмет болсын,
Суьйген сенинъ юртынъда.
Ярык куьндей яркырасын,
Сенинъ ата-ана от яганъда.
2025 год.
От яганъда
© Copyright: Альберт Тамакаев, 2025
Свидетельство о публикации №125041102316
Свидетельство о публикации №125041102316
Рецензии