Тувган юртым, тетем уьй,
Терме курган ол — атам,
Тал орып, шетен тарткан,
Уста коллы ол — атам!
Мунда ата ошагым,
Анам туьзген сыпыра,
Орын тапкан авылым,
Ай кешеси, туьн кара.
Ерге куьйиз тоьселген,
Атам тоьрде таянган,
Анам аслар тоьсеген,
Ногай шайда кокыган.
Яс аьдемнинъ юреги
Каты согып алыскан,
Суьюв ога келееги
Белгили юртта болган.
Сылув юрекке яткан,
Ногай яс сырын айткан,
Юреги кызга баткан,
Эм юртта аьел тувган!
Коьз аштым мен термеде,
Дуныя коьрип кевде,
Аьлеметлер уьстимде,
Ярасык сосы уьйде!
2021 год.
Юртым
© Copyright: Альберт Тамакаев, 2025
Свидетельство о публикации №125040908054
Свидетельство о публикации №125040908054
Рецензии