Бойдак яслык толкынлы,
Юрек алып кетеди,
Яшав йолы кылыплы,
Туьрли ойлар келеди.
Яслык — янъы теректей,
Ясыл оьлен атады,
Яслык акыл — тентектей,
Анда-мунда батады.
Ясыл талды яста бук,
Керек болса, шетендей,
Тал астына дарман сук,
Сувын куйып, эринмей.
Яслык аьруьв оьзсин деп,
Дарман соьзди кызганма,
Ювсан юмсак болсын деп,
Суьйювинъди калдырма.
Япыраклар саргаймай,
Ювсан аякка ятсын,
Юмсак оьскен таллардай,
Казыкты ол сыйласын!
2021 год.
Яслыкка
© Copyright: Альберт Тамакаев, 2025
Свидетельство о публикации №125040908041
Свидетельство о публикации №125040908041
Рецензии