Озган йылдынъ кыйынлыгы,
Юреклерге авыр яткан,
Коьнъиллерди босатып,
Кара кевин ерге япкан.
Каты оттынъ ялыны,
Дуниямызга ок яйган,
Аьдемлердинъ тыныш янын
Коьркынышка авдарган.
Тыйды бизди кырк уьйден,
Пеш-пешлерге ясырып,
Эрек этти юзлерден,
Акылды авыстырып.
Барган сайын, аянып,
Ашты кардаш эсигин,
Каста алып барды кайнап,
Уьлестирди ол тегин.
От ягада айланып,
Куьшли-куьшсизди йыгып,
Шынты каза аькелип,
Кетти коьзяс тоьктирип.
Сак болынъыз кардашлар,
Коркпанъыз сиз мараздан.
Коьзсиз, тилсиз аздаа
Турмасын йолымызда!
Бу Алладан келген хабар,
Бизге татым болмага
Ногайымга тилегим бар:
Аьдем болып калмага!
2021 год.
Сак болынъыз, аданаслар!
© Copyright: Альберт Тамакаев, 2025
Свидетельство о публикации №125040807854
Свидетельство о публикации №125040807854
Рецензии