Кара шашым шалынып,
Сийрекленип агарды.
Куьзде кырав ябылып,
Шырайым да уьлгерди.
Яслыктагы коьнъилим
Яркырайды каьртимде.
Оттай янган коьзлерим
Кызлардынъ эслеринде.
Кайда кеттинъ, яслыгым
Шешекей аткан шагым?
Аттай шапкан заманым,
Яс оьспирдей атканым?
Болды заман суьймеге,
Юректегин айтпага.
Авыл оьтип кезбеге,
Ян досымды таппага.
Ярасыклы яс куьнлер
Тойлар тойлап ол озды.
Аьлемет йолдасларым,
Ювык кардаштай болды.
2022 год.
Яслыгым
© Copyright: Альберт Тамакаев, 2025
Свидетельство о публикации №125040807814
Свидетельство о публикации №125040807814
Рецензии