Эркин-Юртым

Эркин меним авылым,
Куьннен куьнге туьрлендинъ,
Ярасыклы авылым,
Куьннен куьнге оьрлендинъ.

Асыл сенинъ ясларынъ
Данъклы болды яшавда,
Кол аяктай кызларынъ
Аьел болды авылда.

Тувган меним авылым,
Патша атлы ол юртым,
Мырза курган тукымым,
Сув ягардагы юртым.

Тама акай юрт иеси
Карамурзайдан келди,
Тамашадынъ иеси,
Тамырын ол аькелди.

Бек аьлемет авылым,
Юрекли аьдемлерим,
Сыйлы сол адымларым,
Аьр бири ювыкларым.

Коьзим кызып арымайды,
Кенъ сенинъ орамларынъ,
Юрек саклап карамайды,
Аьр бири авылдасынъ.

Сондай аьруьв авылым,
Кенъ юрекли досларым,
Тез келер ол кардашым,
Алал сол йолдасларым.

Авыл мектеби билим,
Куьйды кызганмай мага,
Аьр окытувшы досым,
Алал болдылар мага.

Бар мырадка куванып,
Демев болды аьр досым.
Кисметин ол кызганмай,
Боьлисти алал досым.

Орак авылым меним,
Толып ятыр ногайым,
Ораклы мурза каны,
Толып ятыр авылым.

Айтувлы аьдемлеринъ,
Илми, язувшы, исши,
Айтувлы тукымларынъ,
Яркылдак болган киси.

Эркин-Юртым меним,
Яным суьйген элим.
Сыйлы Ораклы атынъ,
Данъклы болган аттынъ.

Ондай дуныяда йок,
Татымлы ок болганлар,
Авылда сосындай йок,
Аьдемлиги толганлар!


2021 год.