Россия Федерациясынынъ айтувлы халк артисти
Асият Кумратовага багыслайман.
Сыйлы сенинъ ярык юзинъ,
Алал ана кенъ юрегинъ,
Халкты айттырган атынъ,
Алтындай ногай давысынъ.
Оьнерлик сенинъ байлыгынъ,
Данъклы этти ногай халкты,
Арып билмеген кылыгынъ,
Ногай йырын занъыратты.
Сазынъ етти аьр юрекке,
Ол суьюв мен янга ятты,
Ногай халктынъ коьнъилине
Халк анадынъ йыры етти.
Кайдай аьруьв кылыгынъ,
Йырлар ман байланысты,
Куллык суьер акылынъ,
Ногай йыр ман алысты.
Яным анам, йыллар яшаш!
Занъыратып, яндырып!,
Сыйлар бизден сансыз алаш,
Асият-аьптей халк анам!
Халкынъ йырлар йырларынъды,
Мутпай сенинъ ол атынъды,
Сол уьйкен усталыгынъды,
Сыйлап данъклы сол атынъды!
Оьктемлимен яшавымда,
АСИЯТ — замандасым,
Аьр заман сол акылымда,
Ногайым, аданасым!
2021 год.
Халк анасы
© Copyright: Альберт Тамакаев, 2025
Свидетельство о публикации №125040807656
Свидетельство о публикации №125040807656
Рецензии