Воину интернационалисту Афганской войны Аслану Байгельдиеву посвящается
Ак кувлардай созылып,
Темир кемеден куслар,
Кубыла бетке атланып,
Кетти аьскерге яслар.
Кардаш-кавымы калды
Тувган оьскен юртында,
Аьвлетлери йол алды
Кубла беттинъ артына.
Коькиреклер толган эди
Ярасык уьмитлерге,
Язлык та келген эди
Ногай яс юреклерге.
Аьр аьдемнинъ бактысы
Язылган манълайына,
Тек тыйылган тынысы,
Келмесин танълайына.
Ким коьргенди кавгады?
Яслар коьзлей Афганды,
Душпан толган ызанды,
Кан тоьгискен майданды?
Йигитлерше согысты
Орак Эл ясы -Аслан,
Душпанлар ман алысты,
Болган эди тап арслан!
Согысты Кандагарда,
Душпан бийлеген тавда,
Кан тоьгилген Кабулда,
Туманлы тыс кыралда.
Бир тенъ болып оьскемиз,
Ойнагамыз, куьлгемиз,
«Война!» — деп те шапкамыз,
Душпанларды аткамыз!
Бала заман ойыны
Шалып алды ойымды…
Ким ойланганды оны,
Уьшин болар деп сонъы?
2021 год.
Афган
© Copyright: Альберт Тамакаев, 2025
Свидетельство о публикации №125040807591
Свидетельство о публикации №125040807591
Рецензии