Бар менде досым,
Хусин улы — Ахмет.
Ол аданасысым,
Акылы, аьлемет.
Яслайыннан шалысып,
Окув суьйди Ахмет.
Йигерли йигит болып,
Эрлик суьрди Ахмет.
Айлак шалыскыр оьзи,
Тербиялы ясымыз.
Эм юреди аьр соьзи,
Сондай авылдасымыз!
Кайдай аьруьв атасы,
Хусин атлы бар эди,
Юмсак юрек анасы
Бизди хош алар эди.
Мени де суьйди, Суьйдим,
Бала бавда улым деп.
Туьйди каты ол кирип,
Киндик улым болаш деп.
Яшавымыз аьлемет,
Сырымызды ясырдык.
Акыйкатты билдир, айт,
Муьйистеги сандык!
Озды оннан коьп йыллар,
Оьзи ол салды йоллар.
Болды бизде таныслар,
Марияттай йолдаслар.
Айкасамыз энди де
Яшавда киндик боьле.
Коьрисемиз куьнде де
Марият та коьп келе!
Ахмет, Марият –ювыклар,
Яшавда эш аьдемли!
Эм кайда да болсынлар,
Болсын тыныш юрекли!
2023 год.
Досым
© Copyright: Альберт Тамакаев, 2025
Свидетельство о публикации №125040807558
Свидетельство о публикации №125040807558
Рецензии