Яйдак шоьлим, ясыл авлак,
Ясылша тувган шатлап.
Аьдемге коьрнек айлак,
Юртынъа суьйип карап.
Ата юртым бесигим,
Кайнаган кан дирегим.
Тукым ашкан эсигим,
Ана берген аьдетим.
Ата юртым — авылым,
Тамырласкан мол ерим.
Меним суьйген орамым,
Айлак ярасык элим.
Кенъ юрекли авылдас,
Мени суьйген аданас.
Явган йылы ямгырым,
Ата-юртым, той-кырым!
2023 год.
Ата юртым
© Copyright: Альберт Тамакаев, 2025
Свидетельство о публикации №125040807541
Свидетельство о публикации №125040807541
Рецензии