Мен картайып сокыр болсам,
Ыслап колдан етерсинъ.
Аякларым токтап калса,
Келип-кетип юрерсинъ.
Колларым калтырап калса,
Сыгып бирге ысларсынъ.
Кулагым санъыр болса,
Давыс косып айтарсынъ.
Болмайым асыл Аллага,
Елкенъге тагылмайым.
Тилейим Кудайыма,
Яшатсын, авырмайым!
Ким биледи сол яшавды?
Кайтип ол айланаягын?
Ким биледи савлыгымды?
Не мага байланаягын?
Эртеникте эрте турсам,
Тилеклермен баслайым.
Ыйманлыкты мен тутсам,
Ашык йолды сайлайым!
2020 год.
Аманат
© Copyright: Альберт Тамакаев, 2025
Свидетельство о публикации №125040807528
Свидетельство о публикации №125040807528
Рецензии