Янъы йыллар

Анъламастан конакка,
Янъы йыл бизге келди.
Аязбай ман Карлыкыз,
Айванларды аькелди.

Аьр йылларды айванлар,
Басын етип юрдилер.
Йылдан-йылга айванлар,
Бир-бирине келдилер.

Он эки йыл бир-бирин,
Авыстырды януварлар.
Йылдан-йылга оьзлерин,
Айттырдылар айванлар.

Барс йылы йылысып,
Орман пелваны келди.
Януварлардан ян алып,
Пыстырды ол сав элди.

Оннан алдын кара мал,
Йылы болды озган йыл.
Шывар пелван буга мал,
Дирек болды бир хыйыл.

Мине бу шышкан йылы,
Ясыртынлык коьрсетти.
Аьдемлерди бир хыйыл,
Уьнлерде ол юргистти.

Ана яман донъыз йыл,
Орам бойда авнады.
Шошка кепте ол сойып,
Аьдемлерди кыйнады.

Аьдем досы — ийт йылы
Бизге келди конакка.
Алал юрек кылыгы,
Каратты бизди артка.

Сол йыллар арасында,
Кайдан да шыкты кораз?
Тавыклар ортасында
Карарсыз ол эм кеказ!

Каргып-шоршып эшки йыл,
Аькелди ол йигитлик.
Согыстан сонъ бир хыйыл,
Оьсти бизде аьдемлик.

Йылысып келди йылан!
Сувык сар, ер ябыскан.
Кардашларга бу душпан
Сары сувды ол куйган.

Келди йыл куьн тувардан,
Уьш баслы бир аздаа.
Куьшли оты авыздан,
Будакланып аз-аздан.

Ким билгенди эди оны,
Яр астындагы урды?
Ян шыкпага турганы,
Коян йылы келгенин?

Бу йыл келгени мен ол,
Аьдемлерди састырды.
Колын салпыратып ол,
Досларын карастырды.

Карлыгаштай ол ушып,
Топыракты коькитти.
Нал астында от ягып,
Йылкы йылы да етти.

Суьйтип келди янъы йыл,
Аьдемлерге ол усап.
Бир-бирине йылдан йыл,
Болды бизге бир эсап!

2022 год.