Салам алейкум, ногайлар!

Салам алейкум, Ногайлар!
Дуныя юзинде яшаганлар!
Салам сизге, Уллы салам!
Мага ювык болган адамлар!

Салам меним тувган элим!
Бала шакта оьскен авылым!
Ярасыклы эм еннет элим!
Салам меним Орак авылым!

Салам алейкум, Ногайлар!
Салам меним авылдарларым!
Кенъ орамдагы конъысларым!
Айлак суьйген аданасларым!

Салам алейкум, Ногайлар!
Кызыл-Тогайдагы адамлар!
Кардашларды мутпаганлар!
Юрек туьпте саклаганлар!

Салам алейкум, Ногайлар!
Уллы бизим Тохтамысшылар!
Икон-Халк атлы авылдаслар!
Юрегимиз суьйген аданаслар!

Салам алейкум, Ногайлар!
Балта-саптагы бавырдаслар!
Йиги бизим кызылюртшылар!
Аьдемлерге элим болганлар!

Салам алейкум, Ногайлар!
Шалыскыр бизим аданаслар!
Шабаз атлы бизим шайпаклар!
Энъде ювык бизим кардашлар!

Салам алейкум, Ногайлар!
Орысланган эх, шахаршылар!
Йогар билимли болганлар!
Аьдемлерди сыйлавшылар!

Салам алейкум, Ногайлар!
Аьдетли, сабыр болганлар!
Алакайлы атлы авылшылар!
Кайдай ювык сол аданаслар!

Салам алейкум, Ногайлар!
Карашай еринде яшаганлар!
Аьдет-йолды мутпаганлар!
Путь Ильича авылшылар!

Салам алейкум, Ногайлар!
Евсей хуторда яшаганлар!
Бар мунда да ногайлар!
Оракшылар ман караногайлар!

Салам алейкум, Ногайлар!
Туьйе мен йоллар кезгенлер!
Салам туркмен-Ногайлар!
Юреклерге етип келгенлер!

Салам алейкум, Ногайлар!
Ногай шоьлине яйылганлар!
Аьдет-йол туткан адамлар!
Суьйер бизим караногайлар!

Салам алейкум, Ногайлар!
Кара-Мурза авылшылар!
Аьвелдеги мурза тукымлар!
Шеркешлер мен карысканлар!

Салам алейкум, Ногайлар!
Шешен бойды да кезгенлер!
Сары-Сув бойында яшаганлар!
Йигитликти коьрсеткенлер!

Салам ногай аданаслар!
Эдил бойыдагы кардашлар!
Мойшактай шашылганлар!
Сагынып уьйге кайтканлар!

Салам сизге кардашларымыз!
Арслан юрекли Ногайлар!
Кырк-авыл юрттагыларымыз!
Канглыдагы ювыкларымыз!

Салам алейкум, Ногайлар!
Москва калада яшаганлар!
Ногайдынъ юртын тапканлар!
Карт арбадынъ белин бувганлар!

Салам алейкум, Ногайлар!
Сырт калаларда да яшаганлар!
Оькиметти туьзген ногайлар!
Аязга-сувыкка карамаганлар!

Салам алейкум, Ногайлар!
Тыс кыралда яшайтаганлар!
Салам китайшы ногайлар!
Оьз юртларын сагынганлар!

Салам алейкум, Ногайлар!
Туьрк кыралга яйылганлар!
Ногайдынъ атын айттырганлар!
Кадрияга эстелик курганлар!

Салам алейкум, Ногайлар!
Румын, Герман — Ногайлар!
Европа еринде конганлар!
Етимисли бизим аданаслар!

Салам алейкум, Ногайлар!
Ер юзинде яшайтаганлар!
Бирлик болсын, Ногайлар!
Мутпанъыз, биз Ногайлар!


2022 год.