Йыллар озып кетседе,
Сен бизим арамызда.
Яркылдап шолпандай,
Ярасык аттынъ танъда.
Бар сендей шешекейлер,
Кадрия атлы эм ярасык.
Сылув болган аьдемлер,
Кадрия атлы несиллер.
Муталмаспыз юлдызды,
Танъда аткан шолпанды.
Оьнерлиги бай аьдемди,
Халкты айттырган кызды!
Аьр соьзинъ алтын оьнер,
Халк юрегин йылыткан.
Аьруьв сайланган соьзлер,
Ятлав сыдыранъга яткан.
Танъда аткан юлдыздай,
Юзинъ ювык аьр ногайга.
Соьзинъ тап йыллы оттай,
Йылытты бизди кызганмай!
2024 год.
Кадрия
© Copyright: Альберт Тамакаев, 2025
Свидетельство о публикации №125040607320
Свидетельство о публикации №125040607320
Рецензии