Токсан кайта кыйналды,
Ногай халкым, заваллы,
Орда шашылып калды,
Ногай халкым ашувлы.
Кайта-кайта согысты,
Тувган ерин коршалап,
Яв шапканда оьлисти,
Ата юртларын саклап.
Дуныя юзин ол оьтип,
Термелерди коьширди,
Азияга да етип,
Кытайды да ол коьрди.
Оьз урлыгын ол шашып,
Ер юзинде ол юрди,
Коьшпели атты алып,
Амалсыздан ер суьрди.
Бар йигитлер халкымда,
Оьз атларын айттырган,
Сый тапкан ногайымда,
Халк атларын мутпаган.
Йигит аьскерши яслар,
Ногайды саклавшылар,
Йырлар йырлаган кызлар,
Бозлав айткан аналар.
2021 год.
Ногайым
© Copyright: Альберт Тамакаев, 2025
Свидетельство о публикации №125040507069
Свидетельство о публикации №125040507069
Рецензии