Алал меним аьвлетим,
Балалай ол — онъ колым,
Куьшли меним куьдретим.
Суьйген меним ол — улым.
Мен келсем ушып турар,
Хоьш келдинъ деп йолыгар,
Боьркимди алып илер,
Бет явлык алып келер.
Белге бувар таякты,
Табар ол шынъ аякты,
Йойтылган ак шарыкты,
Куьндиз ягар шыракты.
Келеш, атам, шык тоьрге,
Олтыр топ-толы стоьлге,
Шай иш, май як эрнинъе,
Келеш те оьз тоьрине.
Систей кадалып улан,
Ата соьзин ол тынълар,
Юз ясырып ташанар,
Оьз атасын ол сыйлар.
2021год.
Аьвлетим
© Copyright: Альберт Тамакаев, 2025
Свидетельство о публикации №125040507035
Свидетельство о публикации №125040507035
Рецензии