Яв шапкандай дуньяга,
Келди бизге бир каза,
Уьйкен ой туьскен мага,
Кашан кетер бу яза?
Каратага сен ога,
Оьпкелерди яндырып,
Юре кыралдан кыралга,
Аьдемлерди талдырып.
Ухань аьруьв этпеди,
Увлы мараз тувдырып,
Юреклерден кетпеди,
Яшавга йол бувдырып.
Ян алады Аздаа,
Табылмайды эм ога,
Аьлимлер уьйкен ойда,
Излейдилер, не пайда.
Коркысттылар, ададык,
Уьйден шыкпай карадык,
Кайта — кайта кол ювдык,
Авыз, бурын орадык.
Неге яслана коьзлер,
Канлы кавга, согыс йок,
Неге оьле аьдемлер,
Мылтык от йок, атыс йок!
Коьшип юри Аздаа,
Европадан США-га,
Оннан сонъ Италияга,
Испанияга, Германияга!
Куьшееди ув тили,
Соккан халкты ув ели,
Каерде де адавыс,
Куьш етпес вирус — вырыс!
Мен сенемен Аллага,
Аьдемлерди коршалар,
Савлык берсин врачларга,
Адавысты токтатпага!
2020 год.
Короновирус адасы
© Copyright: Альберт Тамакаев, 2025
Свидетельство о публикации №125040507023
Свидетельство о публикации №125040507023
Рецензии