Ана тилим –яшавым,
Торалгансынъ сен менсиз,
Ногай тилим — ошагым,
Яшалмаспан мен сенсиз!
Бердинъ биринши билим,
Сенсиз аяк баспайман,
Анам синъдирген тилим,
Сенсиз уьнсиз тастайман.
Тувган ногай тилимди
Оьстиремен, саклайман,
Мутып алган куьнимди
Юрегим мен аклайман.
Карзынадай тутаман
Янъы Ногай соьзлигин,
Колга алсам мутаман
Уьй ислери тизгинин.
Суьйтип суьйдим тилимнинъ
Оьлшеп болмас байлыгын,
Тилин саткан аьдемнинъ
Анъламайман сайлыгын!
Тилин муткан наьсипсиз,
Оьз халкында оьркенсиз,
Халк ишинде ол сыйсыз,
Аьдемге де санавсыз!
2020 год.
Ана тилим
© Copyright: Альберт Тамакаев, 2025
Свидетельство о публикации №125040506962
Свидетельство о публикации №125040506962
Рецензии