Балдан таьтли бала деп,
Айтылады ногайда.
Атадан коьрген ок йонар деп,
Сый этилген тукымда.
Уьшке аяк басканда,
Улан атка олтырган.
Ата улы оьскенде
Атшабыста ювырган.
Каптал кийген кишкейден,
Халкын айттырар уьшин,
Кылышында ойнаткан
Шынты эр болар уьшин!
— Окты алып сен караш.
Куьн мен тувыл, саьат пен
Ногай улан оьстиреш,
Шынты ногай йигит пен!
Соьле де бар йигитлер,
Ногай сыйын коьтерген.
Кайсы якта юрсе де,
Халктынъ атын оьр эткен.
2019 йыл.
Камышы ойнаткан уланлар
© Copyright: Альберт Тамакаев, 2025
Свидетельство о публикации №125040506821
Свидетельство о публикации №125040506821
Рецензии