Сегьер-сегьер, мягьтел хьайи вилериз,
Акурди са гуьзел экуьн яр хьана.
Фикир гайла т1ебиатдин сирериз,
Лацу чарчел авахьзавай, ц1ар хьана.
Гъил къачу варз, къе дуствиляй ат1анвай:
Бат1ул инсан милайим я, цуьк хьтин.
За вуч ийин: зи хур адав ац1анва,
Багьа хьана, къене авай рик1 хьтин.
Гуьрчекдаказ, заз экуьнин сегьерар
Кк1уьрайдан, акунрал зун къах хьана.
Илгьамд ялав авахьзавай вилерай,
Заз акурди асулдин дамах хьана.
Чарадан гьисс къугъурзавай, чуьнгуьр хьиз,
Гаф жегъидач гуьзелвилиз маралдин.
Ширин рахун, руьгьди к1алуб суьгьуьр хьиз,
Вилик гъизва, ч1агур ийиз хиялди.
Гъил къачу варз
© Copyright: Магомед Мирзоев Мирзой, 2025
Свидетельство о публикации №125032204598
Свидетельство о публикации №125032204598
Рецензии