Гьар девирдихъ ава вичин билбилар,
Ачухардай сефил хьайи гуьгьуьлар,
Сесиналди ч1угваз руьгьдин шикилар,
Мани лугьуз авай чи вах, Рагьимат!
Ашкъидин гьисс авахьзавай рик1еркай,
Атирлу тир дагъларин бул цуькверкай,
Дерт къати яз, туьхвенавай экверкай,
Мани лугьуз авай чи вах, Ригьимат!
Шагьвар хьтин, къекъвезавай яйлахда,
Ширин ванцел халкьар вири уяхдай,
Авахьзавай яд хьиз Ахцегь булахдай,
Мани лугьуз авай чи вах, Рагьимат!
Уьмуьр я им, йигин вац1 хьиз фад фидай,
Дагъдин накъвар, авазар хьиз, шад фидай,
Рагъни цавай ялгъуздаказ сад фида,
Мани лугьуз авай чи вах, Рагьимат!
Къе экв гузва гъед хьана на цаварай,
Ширин сесер физма элдин хурарай,
Беневшади цуьк акъудай ч1урарал,
Мани лугьуз авай чи вах, Рагьимат!
Секина. Рагьимат Гьажиевадиз
© Copyright: Магомед Мирзоев Мирзой, 2025
Свидетельство о публикации №125032203838
Свидетельство о публикации №125032203838
Рецензии