Хважамжамдин аламатдин рангар хьиз,
Идрис бубад гъилин уьтквем цлар хьиз,
Ц1ийидаказ цавуз къвезвай ракъар хьиз,
Гьар са рушахъ ава вичин гуьзелвал !
Дагъдин хурал наз гузавай цуьквер хьиз ,
Каинатда алцум тежер гъетер хьиз,
Рамазандин вацран нурлу эквер хьиз,
Гьар са рушахъ ава вичин гуьзелвал !
Гьуьлуьн к1ане чуьнуьх хьанвай якъут хьиз,
Цавун гъенел алай къизил булут хьиз,
Дидед гъилел хьрак чрай т1унут1 хьиз,
Гьар са рушахъ ава вичин гуьзелвал!
Пак гатфар хьиз атир чк1ай сал галай,
Цуькверихъ хьиз гьардахъ вичин ял галай,
Къилихрикай кьилди храй шал галай,
Гьар са рушахъ ава вичин гуьзелвал!
Секина. Дишегьлияр цуьквер хьиз!
© Copyright: Магомед Мирзоев Мирзой, 2025
Свидетельство о публикации №125030807237
Свидетельство о публикации №125030807237
Рецензии