Муьгьуьбатди яд гайи тар,
Ваз зи къужах сал жедат1а?
Авурт1а вавди суьгьбетар,
Зи рик1е ваз к1вал жедат1а?
Лагьайла ваз, чан назлу яр,
Зи гуьгьуьлдиз т1ар хьана мад.
Ашкъидикай хьана инкар,
И дуьняни дар хьана мад.
За вуч ийин, чан лацу лиф,
Ви эхъендик ц1раз авай.
Ша зи салаз ая илиф,
Вал вил алаз кьураз авай.
Кьулал алай гимишд кемен,
Гимишд кемен низ герек я?
Гьиссдив ац1ай шумал беден,
Виридалай гьам гуьрчек я.
Хуш акунрив хур ац1уриз,
Нефес къачуз залан я заз.
Рик1е гьиссдин тур ак1уриз,
Гьиссерни гил гьижран я заз.
Килигайла, назлу тават,
Хъвер авунихъ ц1игел я зун.
За лугьуда ваз ви къамат,
Ви къаматдал мягьтел я зун.
За лугьуда ваз ви къамат
© Copyright: Магомед Мирзоев Мирзой, 2025
Свидетельство о публикации №125022508911
Свидетельство о публикации №125022508911
Рецензии