Дагъларик ван кутунавай кфил хьиз,
К1ани ярдин сес галукьай гуьгьуьл хьиз,
Лезгинкадал кьуьл ийизвай жегьил хьиз,
Гарух галаз мугьман хьанва лацу жив!
Ацукьзава хъуьтуьлдаказ чилерал,
К1ани ярдин назик чими хъухъверал,
Ашкъидивди ац1урнавай вилерай,
Ваз тамашиз,гьейран хьанва, лацу жив!
Гьар патахъай аязди кай цуьк хьтин,
Муг кувахьна къекъвезавай нуьк1 хьтин,
Къиравд кьуна, гъарик1 хьанвай рик1 хьтин,
Мурк1адава, гьулдан хьана лацу жив!
Пак ракъини вичин гьайбат къалуриз,
Чими нурар кьуд патариз чук1уриз,
Маркуц1арни яваш-яваш ц1уруриз,
Яд хъийизва живедикай чилерал!
Секина. Лацу жив
© Copyright: Магомед Мирзоев Мирзой, 2025
Свидетельство о публикации №125022506542
Свидетельство о публикации №125022506542
Рецензии