Зи уьмуьрдин багьа суьрет,
Зи вилин нур, къени килфет,
Захъ дуьньяда авай девлет,
Зи масан яр, зи к1ани яр!
Рик1ин къене куьк1уьрна рагъ,
Хуш атирдин кутунва багъ,
Вун я руьгьдин экуь чирагъ,
Зи масан яр, зи к1ани яр!
Чаз кьведазни ава са рик1,
Рик1е ава шад билбил нуьк1,
Зун кьару я бахтунал ик1,
Зи масан яр, зи к1ани яр!
Зи гъавурда акьадай фад,
Заз хъуьт1уькай авунвай гад,
Хияларни гьамиша сад,
Зи масан яр, зи к1ани яр!
Секина Зи к1ани яр
© Copyright: Магомед Мирзоев Мирзой, 2025
Свидетельство о публикации №125022502473
Свидетельство о публикации №125022502473
Рецензии