Кьве бахтлу цуьк

***
Кьве бахтлу цуьк ацукьнава тахтуна,
Рази яз чеб икьрар хьайи вахтунал.
Къван эцигна ц1ийи къулан бинеда,
Вил алайбур гележегдин бахтунал.

Ц1ийи варз хьиз, ч1агай чи свас акурай,
Берекатар адан к1вачихъ атурай.
Чамни свас чеб чпиз хуп1 диганва,
Ц1ийи хазан берекатрив ац1урай!

Мел-мехъерар хьурай вири к1валера,
Муьгьуьббатдин демер кутаз рик1ера.
Берекатдив к1вал ашкъидив ац1урай,
Бахтлу хазандикай мах хьуй мецера.

Припев:
Мурадри квез шадвал гъурай,
Шадвилерни бахтар гурай
Гьар са легьзе къуй уьмуьрдин,
Куьн паталди сувар хьурай.

Куь руьгьериз Ватандин сир ачух хьуй,
Гуьрчегвилин, ашкъидин вир ачух хьуй,
Кьегьалвилин гьунар чамран рекье хьуй,
Свасан мецел бахтлу мани артух хьуй.

  *  *
            
Кьве бахтлу цуьк ацукьнава тахтуна,
Рази яз чеб икьрар хьайи вахтунал.
Къван эцигна ц1ийи къулан бинеда,
Вил алайбур гележегдин бахтунал.

Припев:
Куь  гьар са кар хъсан хьурай,
Куьн багърийриз масан хьурай
Хуьре мецел, к1вале ширин,
Тариф авай хазан хьурай .

Ислягьвал хьуй куь к1вачихъди уьлкведа.
Берекат хьуй хуьре, к1вале, мягьледа.
Ватандизни хайи халкьдиз эбеди,
Вафалу хьуй лезгидиз хас жуьреда.



Атайбур хьиз малайикар цаварай,
Аялрин ван акъат тийиз  япарай,
Квез дарихвал таквадайвал уьмуьрда
Гурарин к1ан ац1уй к1вачин къапарай.

***

Рик1из чими кьве цуьк ава тахтуна,
Умудлу яз гележегдин вахтуна.
Къелем цазва ц1ийи  к1валин бинеда
Агь, и легьзе гьикьван, бала, ширинда!


Чамран тариф авун патал гаф авач,
Свасан къамат ч1угун патал ранг авач.
Ц1ийи варз хьиз ч1агай чи свас акурай!
Берекатар адан к1вачихъ атурай!

Гьамиша мел-мехъер хьурай к1валера,
Муьгьуьббатдин дем кутурай рик1ера.
Чи жегьилрин мурадар битмиш хьурай!
Хазанда бахтни шадвал артух хьурай!
Гьар са к1вале квехъ веледар виш хьурай


припев
Мурадрихъ куьн агакьрай,
Къени крар алакьрай!
Гьар са легьзе уьмуьрдин,
Сувар хьурай лезетдин!


***


Кьве бахтлу цуьк ацукьнава тахтуна,
Рази яз чеб икьрар хьайи вахтунал.
Къван эцигна ц1ийи къулан бинеда,
Вил алайбур гележегдин бахтунал.

Чамран тариф авун патал гаф авач
Свасан къамат ч1угун патал ранг авач
Ц1ийи варз хьиз ч1агай чи свас акурай
Берекатар адан к1вачихъ атурай

Гьамиша мел мехъер хьурай к1валера
Муьгьуьббатдин дем кутурай рик1ера
Чи жегьилрин  мурадар битмиш хьурай
Гьар са к1вале квехъ веледар виш хьурай

припев
Агакьрай куьн куь мурадрихъ
шадвилерни бахтар гурай
къуй уьмуьрдин гьар са легьзе
куьн паталди сувар хьурай
-----
Руьгьериз куь Ватандин сир ачух хьуй,
Гуьрчегвилин, ашкъидин вир ачух хьуй,
Кьегьалвилин гьунар чамран пеле хьуй,
Назиквилин мани свасан мецел хьуй.