Къарсурна рик1 атай ч1уру хабарди,
Йикъан кьарай,квахьай йифен ахварди.
Стха халкьар гьатна къалда - чуьруькда,
Дуствилелди яшамиш хьай виликдай.
Аялар хьиз алцурарна чарада,
Фитне туна кьве стхадин арада,
Акси хьана акъвазарна садаз сад,
Душманари дак1анарна Урусат.
Урусатдин стха халкьар сад хьана,
Миллетчийриз чпин кьуват къалана,
Бедбахтвили абур мукьув агудна,
Мад сеферда чпин садвал субутна.
Мукьварал чаз са шад хабар атурай,
Чи кьегьалар гъалибвал гваз хтурай.
Тупарин ван тахьурай чи япара ,
Архайиндиз ийидайвал ахварар!
Ч1уру хабар
© Copyright: Тамила Хуршидова Салманова, 2025
Свидетельство о публикации №125021707059
Свидетельство о публикации №125021707059
Рецензии