Библиотека с. Хрюг. Жамилакай

 Чун, Хуьругрин хуьруьн библиотекадин работникар,
 Мусаева Мехри ва Абдулкеримова Валерия мукьвал-
 мукьвал Рамазанов Жамилал кьил ч1угваз, абурун
 к1вализ фидай, газетар, журналар ва ктабар гваз.
 Адан диде Испета чун шаддиз къаршиламишдай.
 Жамилазни, чун атайла гзаф шад жедай.
 Азар себеб яз адаз мектебдиз фидай мумкинвал
 хьаначт1ани, ада вичиз к1ел-кхьин чир авуна,
 шиирар туьк1уьрзавай. Гагь-гагь чнани адан
 ц1арар дефтерда кхьидай. Чна Ст1ал Сулейманан,
 Етим Эминан шиирар к1елдайла, адан вилери ишигъ
 гудай. Ада чаз вичин шиирарни к1елдай.
 Жамилан шиирар хайи хуьруькай, ватандикай,
 т1ебиатдикай, инсанпересвиликай я.
 Адан ч1алариз манидарри гьаваяр кхьена манияр
 тамамарзава. Таира Муспаховади, Шемшира,
 Фаризат Зейналовади ва масабуру.
 Ф. Зейналовади тамамарзавай мани-«Хуьруьгер»,
 вири халкьдин рик1 алай мани хьанва.
 Жамил фад рагьметдиз фенат1ани, вичин гел
 чилерал тунва. Адан къамат гьамиша чи рик1ера
 амукьда. Регьтметрай вичиз!