* * *
Зун пенжердай килигайла,
Валлагь дуьнья гуьлуьшан я.
Зи вилерлай нагъв алахьиз,
Чан бала, зун перишан я.
Ястухдал кьил эцигайла,
Рик1е гьамиш гъалаб ава,
Вун ахварай акун патал,
Аллагьдиз са т1алаб ава.
К1валин япа ацукьайла,
Шукур хьайи Аллагь, лугьуз,
За зи дердер низ ахъайда,
Амукьайла зун ик1 ялгъуз.
Зи рик1из мад кьарай амач,
Баладикай дидар авай.
Чухсагъул квез играмияр
Зи гьалдикай хабар авай.
Испет. Жамилаз
© Copyright: Магомед Мирзоев Мирзой, 2025
Свидетельство о публикации №125020401858
Свидетельство о публикации №125020401858
Рецензии