Испет. Баладиз
Акъудна на гъиляй зи гъил,
Вучиз туна на зун сефил?
Дарихмиш я:гала вахъ вил,
Зи рик1 алай бала, Жамил!
Вилелай къвез физва накъвар,
Яхц1урни ц1уд хьанай яшар.
Билбил амач, завди рахар,
Зи рик1 алай бала, Жамил!
Аллагьдиз ийизва минет,
Гьалал ая къачур зегьмет.
Ваз женнет-к1вал хьурай кьисмет,
Зи рик1 алай бала, Жамил!
Кимиз фена хьанач са кьуьл,
И дуьнядихъ галамай вил,
Сура туна уьмуьр жегьил,
Зи рик1 алай бала, Жамил!
Экуь югъ заз хьанва мич1и,
Къеневай рик1 хьанва ич1и,
Касни авач валай к1ани,
Зи рик1 алай бала, Жамил!
© Copyright: Магомед Мирзоев Мирзой, 2025
Свидетельство о публикации №125020306917
Свидетельство о публикации №125020306917
Рецензии