Фаризат Зейналова. Жамилакай

 Фаризат Зейналова.               
 Дагъустандин халкьдин артистка
 Ктабдин автордикай кьве гаф.
 Са кьуд –вад йисан вилик зи телефондиз гьамиша хьиз зенг атана. Зун мягьтел
 тушир, вучиз лагьайт1ахалкьдин рик1 гзаф алайвиляй ахьтин зенгер гзаф къвезвайва
 абуру гьуьрметдин чухсагъулрин, чпин к1анивилин хуш келимаяр ийизваййбурун кьадар
 лап пара тир. Зани инжиклувал авачиз хушвилелди виридахъ яб акалдай ва жуван
 мецелайни абуруз гьуьрметдин, разивилин дуьаяр ийидай.
 Гьа ик1 мад са зенг... Амма, за и зенг ийизвай кас маса инсанриз ухшар туширди
 кьат1ана. Эвелдай ада гьа вирида хьиз заз гьуьрметдин суьгьбетар авуна, амма ада
 гьар са гаф четиндиз лугьуз, яргъал ч1угваз рахазвай. Зани адаз дикъетдивди яб
 акалзавай. Ада вич, хуьруьгви Жамил я зун,Вах, лагьай тегьерди зун шадни авуна,
 адан кьисметдикай чир хьайила, зи вилера лнагъвни атана.
 Аллагьди са патай кайидаз, муькуь патай гуда, лугьудайвал, Жамилаз Алллагьди ин
 дуьняда, иллики лезги халкьдин медениятдиз, несигьатдинни культурадин гьисер
 шиирдалди арадал гъаначи тарихда амукьдайгевгьерар хьтин ч1алар тадай мумкинвал
 ва пай гана.
 Гьа ик1 Жамилан ч1алариз, Майина Абдулмуталибовади кхьей «Хуьруьгар» мани арадал
 атана, ва ихьтин манидиз элкъведай ч1алар акдахъ гзаф ава.