(Шиир- Хуьруьг Жамилан экуь
руьгьдиз бахшзава)
Ахъайнай вилер на, масан маканда,
Хуьруьга- шаиррин иер ватанда.
Дуьнядиз начагъ яз атана, гьелбет,
Уьмуьрди залан мес авуна кьисмет.
Эцигнач к1вачер на бубадин чилел,
Дат1ана хьана вун, дидедин гъилел.
Хъванач яд садрани суван булахрай,
К1ват1начир рушариз цуьквер, яйлахрай!
Хьанайт1а кьаз гъиле, хци къелем, чар,
Къелемни ишедай, залан яз и пар.
Амма ваз ганавай Аллагьдин патай,
Ивида ргазвай, шаирвилин пай!
Яхц1урни ц1уд йисуз са месел хьайи,
Тек садра къекъуьнихъ, рик1 ц1игел хьайи.
Женнетдай лагь, Жамил, руьгьдин гьараяр!
К1ват1зава туьк1уьрай зардин хараяр.
Теране Керимова Оруджова. Руьгьдин гьараяр
© Copyright: Магомед Мирзоев Мирзой, 2025
Свидетельство о публикации №125020305038
Свидетельство о публикации №125020305038
Рецензии