Гуьрчег я вун тежер кьадар,
Бахтлу я вун хьайиди яр,
Акьул дерин,мезни ширин,
Гьар са карда я вун эркин.
Муаллимни я вун хъ(и)сан,
Аялризни пара масан,
Хуьруьз-к1вализ к1ани инсан,
Дережа хьуй мадни кьакьан.
Машгьур я куь Самур дере,
Девлетарни ава гъиле,
Тамар,багълар,цип1иц1 ч1ере,
Гена артух балугъ гьуьле.
Халкьнава квез рушар гуьзел,
Тариф ийиз кхьизва гъезел,
Рухваярни ава кьегьал,
Битмишзавай суьрсет гьалал.
Тарифдиз я лайих рушар,
Гьа вун хьтин лезги къушар,
Бахтлу хьурай вири сусар,
Гъетериз я гьар сад ухшар.
26.01.2025.
Марианнадиз
© Copyright: Нажмудин Шихнабиев 2, 2025
Свидетельство о публикации №125012606592
Свидетельство о публикации №125012606592
Рецензии