Мани хьейла хиял фида яргъариз,
Гар галукьай пеш хьиз, фидай сиягьат.
Атирар гвай гьава хьтин гатфариз,
Ви назик сес хуш я рик1из Фаризат!
Нурлу вацран, сегьердин дамах хьтин,
Шалбуз Дагъди цуькведи яйлах хьтин,
Шур-шурзавай зем-земдин булах хьтин,
Ви назик сес хуш я рик1из Фаризат!
Марвардилай мадни я вун иерди,
Мани лугьуз ачух, гегьенш рик1елди,
Мягьтелариз вири ширин мецелди,
Ви назик сес хуш я рик1из Фаризат!
Гъвеч1и-ч1ехи, жегьил-кьуьзуь талгьана,
Дикъетдив яб акалзава дат1ана,
Цуьк акъудай багъ билбилдиз жагъана,
Лугьузавай мани хуш я Фаризат!
Секина. Фаризат
© Copyright: Магомед Мирзоев Мирзой, 2025
Свидетельство о публикации №125011006320
Свидетельство о публикации №125011006320
Рецензии