Закай цавун марф хьанайт1а,
Заз баркаванд лагьана,
К1анзамайкьван чилел къвана,
Амукьдай зун, яд хьана.
Садани заз лугьудачир
На ик1 вучиз авуна,
Таксирарни кутадачир,
Марф хьанайт1а, т1вар кьуна.
Марф хьанач зун, инсан хьана,
Гьарда са гаф лугьудай,
Акъваз тийиз, гьич дат1ана
Гагь рик1 шад жез, гагь кудай..
Марфади чил гатадайла,
Аквадачхьи садазни,
Закай са синих жагъайла,
Нез к1ан жеда, жакьвазни.
Марф хьанайт1а
© Copyright: Селминат Курабекова, 2024
Свидетельство о публикации №124121207908
Свидетельство о публикации №124121207908
Рецензии