Карачаево-Балкарский язык
Акъ тёш, ариу агъазчыкъ,
Тау башында джашайды.
Кюн бетледе, гелеуде,
Ашны, сайлаб ашайды.
Джашауна таблыкъгъа,
Сайлаб тауну алгъанды.
Балачыгъын къорургъа,
Терен уя салгъанды.
Агъаз - бютюн омакъчыкъ,
Таш юсюнде ойнайды.
Мени кёрюб, баргъанымы,
Сейир болуб къарайды.
Илешчикди Акътёшчюк,
Тиймезими билгенди.
Рахат болуб, къоркъмайын,
Къатыма джуукъ келгенди.
Акъыллыды Агъазчыкъ,
Джауну, шохну айыра.
Мени узакъ ашырды,
Къуйрукъчугъун къайыра.
Акъ тёш, ариу агъазчыкъ
© Copyright: Магомед Боташев, 2024
Свидетельство о публикации №124121207870
Свидетельство о публикации №124121207870
Рецензии
