Вал алк1анвай бахишриз зи,
Таб тагана, вун килигнай.
Зи ягьзузвал, такаббурдиз
Яб тагана, на иливнай.
Чиз тир ваз ви гуьрчеквили,
Акьул кьиляй акъуддайди.
Гзафбуру кичlевиляй,
Вакай незер къакъуддайди.
Зун тир а тек - туьк тирбуркай -
Килигзавай атlана ял.
Яраб девдин рикl тlуьрбуркай
Зун а легьзе кьунатlа жал?
Тек садавай кьатlуз тежер
Жуьреда заз хъуьренай вун.
Кьили ланай: алцур межер -
Гужсузвиляй хъилевай зун!
Хуш тир ваз зи чарасузвал,
Нефс галамаз хъфизавай.
Вуч тир мад а ви арсузвал,
Гьавад пагь а, на заз гайи -
Исятни пlуз ифирзавай?..
Гьавадин пlагь
© Copyright: Намик Фарзалиев, 2024
Свидетельство о публикации №124120103630
Свидетельство о публикации №124120103630
Рецензии