Гуьзел сесинин сагьиб, халкьдин рик1 алай манидар
***
К1ант1а мел хьуй, к1ант1а мехъер, сувар хьуй,
Ви маниди артухзава берекат.
Аваз галай гьар са ц1арц1ик лувар хьуй,
Чарх ягъдайвал алемдилай, Седакъет!
Лукьман я вун, ч1ехи устад манидин,
Дарман жеда начагъдаз ви баядар.
Ван хьайила дерт Мазали Алидин,
Яб гайила агьузардихъ Саядан.
Ви авазар риб я виле иблисрин.
Сечме мани ала даим мецел ви.
Вун абур я шадвал галай междисрин,
Шумуд жегьил бахтлу хьана ванцел ви.
Дуьнья ислягь, регьимлу хьуй пачагьар,
Халкьдиз к1ани, истеклу тир манидар.
Кутугнавай вини кьилин пишкешар.
Гудайвал ваз Халкьдин артист лагьай т1вар!
Седакъетаз
© Copyright: Тамила Хуршидова Салманова, 2024
Свидетельство о публикации №124112508255
Свидетельство о публикации №124112508255
Рецензии
