Къушарин ван галукьайла,
Зи сефил рик1ни шад жеда.
Замина зи рик1ин хиял,
Вун нин руш я гуьзел марал.
Белиждани жагъидайд туш,
Вун хьтин акьул авай руш.
Муьгьуьббатдин багъларин къуш,
Авач валай камаллу руш.
Бубадин вун чапла гъил я,
Дидедин вун эрч1и гъил я.
Ц1айлапан я гьар к1валахдиз,
Замина зегьметчи руш я.
Куьре патан са цуьк я вун,
Белиж патан са къуш я вун.
Гьуьрмет-хатур ийизва за,
Ви т1вар чир хьайила Замина.
Мурад ваз гьинай чир хьанва,
Заз вун чидачир Замина.
Кьасумхуьрунвийди лагьайла,
Зи т1вар чир хьана ваз,Замина.
Мурад Тагирбеков
07.10.2024 йис
Замина Вахаз
© Copyright: Мурад Тагирбеков, 2024
Свидетельство о публикации №124111803764
Свидетельство о публикации №124111803764
Рецензии