Чи суварин къужахда,
Лайихлу са хуьр ава.
Къагьриманрин къужахда,
Машгьур хуьр Мацар ава.
Элкъвез лекьер суварилай,
Лекьерин ван алаз хьурай.
Ашукьдин ван алаз хуьрай,
Лезги чилел квел,Мацар.
Булахарни ава къайи,
Ава гуьзел яйлахарни.
Чи суварин михьи гьава,
Дагъдин къайи шагьвар к1анда.
Нехирбанар чпин малар гваз,
Хтанва къе майишат гваз.
Чубанар чпин суьруьяр гваз,
Хтанва къе хайи хуьруьз.
Хуьр гадарна хьанва гьайиф,
Рик1ни,беден хьанва зайиф.
Гевил ч;авар,къекъвей чуьллер,
Рик;ел фидач,хуьр Мацар.
Акьуллу ксар акъатай хуьр,
Хъсан инсанар акъатай хуьр.
Манидарар акъатай хуьр,
Бажарагълуйрин хуьр,Мацар.
Мурад Тагирбеков
07.10.2024 йис.
Мацар Ахцегь район
© Copyright: Мурад Тагирбеков, 2024
Свидетельство о публикации №124111803707
Свидетельство о публикации №124111803707
Рецензии