Заз ахварай аквазва:
Зун мад хуьруьз хъфенвай.
Югъ нисинин бере тир -
Дидед танур ифенвай.
Цlаю яна, къекъирфна,
Танурдалла диде зи.
Фу элкъуьриз ава ам,
Тахьанавай - кlиредив.
Ракардал кьван куьчедин,
Чими фан ни гьатнава.
Зун акуна, дидед фад
Са фан чlук заз къатзава.
" Неъ, чан бала", - лугьузва,
"Рехъ хтана гишин я".
Дидед ванци ахвара
Гъизва рикlин ишин заз.
Квач ам гьич зи ишелрихъ -
Акьазва зи хатурда...
Фу аватдай кичlела,
Элкъвезва мад танурдал.
Гъил вегьизва къачуз кlанз,
Вугузвай фу, дидеди.
Вуч хьана, хьанч - чидач заз:
Гьатнач фан чlук гъиле зи.
Са гъариба кватна зун -
Суьгьуьрдик квай хьтин чан.
Са кайи квал квай гъилик ,
Сивикни дад - чими фан...
16.11.2024
Ахвар...
© Copyright: Намик Фарзалиев, 2024
Свидетельство о публикации №124111700840
Свидетельство о публикации №124111700840
Рецензии