Аялриз( зарафатдин шиир)
Агъванава лацу чайгъун -
Къвазва жив.
Кlевирзава дуьзен, дугун -
Къвазва жив.
Ша, аялар, акъуд гъелер -
Къвазва жив.
Бегьлейра тур жуван гъилер -
Къвазва жив.
Гъелерин кlан сигъаларин -
Къвазва жив.
Ахпа булдиз суварарин -
Къвазва жив.
Мезред кукуз акъахин чун -
Къвазва жив.
Виняй агъуз авахьин чун -
Къвазва жив.
Маргъалара къатадарин -
Къвазва жив.
Живед кlватlар хкадарин -
Къвазва жив.
Куьцlуьда чун, кьацlуда чун -
Къвазва жив.
Хуш гьиссерив ацlуда чун -
Къвазва жив.
Кьуланфериз хкведа чун -
Къвазва жив.
Дидейрини гатада чун -
Къвазва жив.
02.11.2024
Къвазва жив...
© Copyright: Намик Фарзалиев, 2024
Свидетельство о публикации №124111700834
Свидетельство о публикации №124111700834
Рецензии