Я прыду да цябе,
Калі сэрца пакліча
Да суквеццяў вясны,
Што абудзяць спадзеў.
Я прыду да цябе
Той парой маляўнічай,
Што яднае людзей,
Іх па шляху вядзе.
Я прыду да цябе,
Калі думак вясёлка
Паміж сэрцаў дваіх
Пабудуе свой мост.
Я прыду да цябе,
Калі травы на золку
Пад цяжарам расы
Мой пакінуць пагост.
Я прыду да цябе,
Бо каханне -- ёсьць лекі.
Яно ў сэрцах дваіх
Адбівае свой рытм.
Я прыду да цябе,
Каб застацца навекі
І памножыць спадзеў,
Што табе падарыў.
12.08.2024.
Я прыду да цябе
© Copyright: Валерий Познякевич, 2024
Свидетельство о публикации №124102104468
Свидетельство о публикации №124102104468
Рецензии
