Мени миллетим Къарачайды

Мени миллетим аллай миллетди-
Минги таугъа биринчи ёрлеген,
Мени миллетим аллай миллетди-
Сабийликден эмилик джерлеген.

Мени миллетим аллай миллетди-
Къонакъны сыйлаб, тёрге ётдюрген;
Мени миллетим аллай миллетди-
Джууукъну-тенгни ёрге кёлтюрген

Мени миллетим аллай миллетди-
Тамада кирсе, орнундан къобхан,
Мени миллетим аллай миллетди-
Ёксюзню, мискинни хакъындан къоркъгъан

Мени миллетим аллай миллетди-
Парийи, эчкиси, къойлары болгъан
Мени миллетим аллай миллетди-
Тору атлары чарслада хорлагъан

Мени миллетим аллай миллетди-
Кёб азаб чекген, къыйынлыкъ сынагъан,
Мени миллетим аллай миллетди-
Джети атагъа дери санагъан.

Мени миллетим аллай миллетди-
Туз-дамны хоншугъа юлешген
Мени миллетим аллай миллетди-
Таза алан тилде сёлешген

Мени миллетим аллай миллетди-
Ачы урушда артха турмагъан
Мени миллетим аллай миллетди-
Онгсузгъа, джарлыгъа сыртын бурмагъан.

Мени миллетим аллай миллетди-
Тюзлюк джолунда абынмагъан,
Мени миллетим аллай миллетди-
Аллахдан башхагъа табынмагъан

Мени миллетим аллай миллетди-
Къонакъны сюед, шохлукъда джашайды,
Мени миллетим аллай миллетди-
Мени миллетим- Къарачайды