У жнівеньскай, чорнае ночы
Не мае ні зорак, ні поўні.
То неба заплюшчыла вочы,
Каб я яго змрочным запомніў.
Малюю вачамі світанак
І роднага краю мясціны,
Дзе хата ўпрыгожвае ганак
І нас сустракае гасцінна.
Я веру, Вы ўбачыце ноччу
Святло, да якога я крочыў.
Дай Бог, каб разгледзелі вочы
На небе счарнелым мой почырк.
Дай Бог, каб прамовілі вусны
Ўсе словы, што я Вам пакіну:
Любіце зямлю, беларусы,
Жывіце без войнаў і кпінаў.
27.08.2024.
***
© Copyright: Валерий Познякевич, 2024
Свидетельство о публикации №124101602613
Свидетельство о публикации №124101602613
Рецензии
