Сыплъэхъу сlомэ
Къыбгурыlона?
Зэгурыlоныгъэм гу фабэ о къыщыфэжь
Сызхэты къиныр
О зэхэпхына?
Зэхэх, зыхашlи, садыжькlи зыкъэгъэзэжь.
Жъыу:
Сыплъхъу мафэм
Сыплъэхъу чэщым
Сыплъэхъу сыгукlэ зысымышlэжьэу
Имыlэу гъусэ
Къыплъэхъу сыпсэ…
Къысхэкlышъ къэбыбы уадыжь
Симакъыр сыдзмэ
Укъэмыджэжьмэ
Сыкъызфэнэщтыр - джар дэдэу сиджэрпэджэжь
Сахаплъэу цlыфмэ
Усымылъэгъумэ…
Тызэlукlэжьмэ, зэ мыхъуми о сыкъэшlэжь
Симыlэу лажьэ
Сыпфэхъу яжьэ
Тэдми, сымышlэу, сиlати жьым сытрихыгъ
Уиунэ лъапсэ
Сыкъыlуелъасэ…
Укъэзгъотыгъ, ошlа? Сэри о сыбгъотыжьыгъ!
16.03.2024
къ. Инэм
(Гурэ гурэ лъагъо зэфыряI — Сердце к сердцу путь находит)
Сыплъэхъу
© Copyright: Шефруков Адам Рамазанович, 2024
Свидетельство о публикации №124101202115
Свидетельство о публикации №124101202115
Рецензии