Жарыкъ,къарангы бола
Къуанчдан жюрегинг тола
Журтуп айланаса жолда
Сатыу, алыу эте къолда
Бере да, ала да биле
Ышара, ышара, кюле
Жортуп айланаса жолда
Къуанч тыпырлы бола
Сайлай да, сынай да биле
Айып этдирмей кесинге
Жортуп айланаса жолда
Насыпдан жюрегинг тола
Кюлдюре, кюле, ышара
Жырлай да, сыйлай да биле
Ачаргъа, жабаргъа юйрене
Къоба, олтура шинтикге
Ачытмай, ачымай сюрюне
Тап адамлагъа кёрюне
Жортуп айланаса жолда
Тапдан табыракъ да бола
Кёп жылны къуана, жубана
Жарыкълыкъ кёзлеге тудура
Насыпны сёзледен толтура
Жюрюп айланаса жолда.
Жортууллукъ
© Copyright: Ахмат Будаев, 2024
Свидетельство о публикации №124092306557
Свидетельство о публикации №124092306557
Рецензии